ମକର ସଂକ୍ରାନ୍ତି ଉପଲକ୍ଷେ ସ୍ବତନ୍ତ୍ର ପ୍ରସ୍ତୁତି, ପୁଲିହାରୀ-ଡ୍ରାଏ ଫ୍ରୁଟସରେ ମା’ ଗୋଦାଦେବୀ…

ରାୟଗଡ଼ା,୧୧/୧(ଭିଓ)- ମକର ସଂକ୍ରାନ୍ତି ଉପଲକ୍ଷେ ରାୟଗଡ଼ା ବ୍ଲକର ଜେକେପୁର ସ୍ଥିତ ଭେଙ୍କେଟେଶ୍ବର ମନ୍ଦିରରେ ସ୍ଥାନୀୟ ମନ୍ଦିର ପ୍ରଭୁ ଭେଙ୍କେଟେଶ୍ବରଙ୍କ ସ୍ତ୍ରୀ ଗୋଦାଦେବୀଙ୍କ ଚିତ୍ର ଅଭିନବ ଭାବରେ ତିଆରି କରାଯାଇଛି । ଏହି ଚିତ୍ରରେ ତେଲୁଗୁ ସଂପ୍ରଦାୟଙ୍କ ପ୍ରମୁଖ ପ୍ରସାଦ ପୁଲିହାରୀ ଓ ଡ୍ରାଏ ଫ୍ରୁଟସ(କାଜୁ ,କିସମିସ, ପିସ୍ତା ଓ ବାଦାମ)ରେ ମନ୍ଦିର ପରିସରରେ ତିଆରି ହୋଇଥିଲା ।ମନ୍ଦିର ପୂଜକଙ୍କ ଦ୍ବାରା ଏହାକୁ ତିଆରି କରାଯାଇଥିବା ବେଳେ ଦେଖିବା ପାଇଁ ସ୍ଥାନୀୟ ଲୋକଙ୍କ ସମେତ ଭକ୍ତଙ୍କ ଭିଡ ଲାଗିରହିଥିଲା ।ତେଲୁଗୁ ସଂପ୍ରଦାୟ ଲୋକମାନେ ଡିସେମ୍ବର ୧୬ରୁ ମକର ସଂକ୍ରାନ୍ତି ଯାଏଁ ଧନୁରମାସ ପାଳନ କରିଥାନ୍ତି ଏବଂ ଏହି ସମୟରେ ଗୋଦା ଦେବୀଙ୍କ ପୂଜା କରିଥାନ୍ତି । ଏହି ଅଭିନବ ଚିତ୍ର ନିର୍ମାଣ ପାଇଁ ମନ୍ଦିରର ମୁଖ୍ୟ ପୂଜକ ପ୍ରଦୀପ ଆଚାରିଆଲୁ ଓ ତାଙ୍କର ସହଯୋଗୀ ମାନେ ପ୍ରାୟ ୨ ଘଣ୍ଟା ସମୟ ନେଇ ନିର୍ମାଣ କରିଥିଲେ । ଏହି ଅବସରରେ ରାୟଗଡା ସ୍କିତ ବାଲାଜୀ ନଗରରେ ଥିବା ଶ୍ରୀ କଲ୍ୟାଣଭେଙ୍କଟେଶ୍ବର ମନ୍ଦିରରେ କଡୁରାଇ (ଖିରି) ୧୦୮ ଟି କଳସରେ ନିର୍ମାଣ କରାଯାଇ ଭଗବାନଙ୍କୁ ଅର୍ପଣ କରିଥିଲେ । ଏହି ମନ୍ଦିରର ପ୍ରଧାନ ପୂଜକ ଭାସ୍କର ଆଚାରିଆଲୁ ଏବଂ ସହଯୋଗୀ ଏହି ସ୍ବତନ୍ତ୍ର ପ୍ରସାଦ ନିର୍ମାଣ କରିଥିଲେ । ଏହି ସ୍ବତନ୍ତ୍ର ଖିରି ୧୬ ପ୍ରକାର ସୁଗନ୍ଧିତ ଦ୍ରବ୍ୟରେ ପ୍ରସ୍ତୁତି ହୋଇଥିବା ପ୍ରଧାନ ପୂଜକ ଶ୍ରୀଭାସ୍କର ପ୍ରକାଶ କରିଛନ୍ତି ।